மும்மடங்கு ஆசீர்வாதம்

வாசிக்க: எண்ணாகமம் 5, 6; சங்கீதம் 61;  மாற்கு 3:1-19

வேதவசனம்: எண்ணாகமம் 6:22. பின்னும் கர்த்தர் மோசேயை நோக்கி: 23. நீ ஆரோனோடும் அவன் குமாரரோடும் சொல்லவேண்டியது என்னவென்றால்: நீங்கள் இஸ்ரவேல் புத்திரரை ஆசீர்வதிக்கும்போது, அவர்களைப் பார்த்துச் சொல்லவேண்டியதாவது:
24. கர்த்தர் உன்னை ஆசீர்வதித்து, உன்னைக் காக்கக்கடவர்.
25. கர்த்தர் தம்முடைய முகத்தை உன்மேல் பிரகாசிக்கப்பண்ணி, உன்மேல் கிருபையாயிருக்கக்கடவர்.
26. கர்த்தர் தம்முடைய முகத்தை உன்மேல் பிரசன்னமாக்கி, உனக்குச் சமாதானம் கட்டளையிடக்கடவர் என்பதே.
27. இவ்விதமாய் அவர்கள் என் நாமத்தை இஸ்ரவேல் புத்திரர்மேல் கூறக்கடவர்கள்; அப்பொழுது நான் அவர்களை ஆசீர்வதிப்பேன் என்று சொல் என்றார்.

கவனித்தல்:  இங்கே நாம் காணும் வேதபகுதியானது நமக்கு நன்கு பரிட்சயமானது ஆகும். இந்த  ஆசீர்வாதமானது நம் ஆராதனைகளிலும் கூடுகைகளிலும் அடிக்கடிக் கேட்கும் ஒன்றாகவும் இருக்கிறது.  இந்த வேதப்பகுதி   “ஆசாரிய ஆசீர்வாதம்” என்று அறியப்படுகிறது.  சகல இஸ்ரவேலருக்குமான தேவனுடைய ஆசீர்வாதம் பற்றிய இந்த வேதப்பகுதி பலவிதமான அர்த்தங்களையும், விளக்கங்களையும் தருவதாக இருக்கிறது.  “கர்த்தர்” என்ற வார்த்தை (மூல மொழியில் யெகோவா) திரும்பத் திரும்ப மூன்று முறை வருவது, தேவனே சகல ஆசீர்வாதங்களுக்கும் காரணராக/ஊற்றாக இருக்கிறார் என்பதை வலியுறுத்துவதாக இருக்கிறது.  இந்த ஆசாரிய ஆசீர்வாதத்தின் முதல் வரியானது, தேவன் தம் ஜனங்களுக்கு அருளும் ஆசீர்வாதம் மற்றும் பாதுகாப்பைப் பற்றி உணர்த்துகிறது. தேவன் பார்ப்பார் என்கிற ஒரு விசுவாசியின் நம்பிக்கையையும், அவருடைய ஜெபங்கள் மற்றும் வேண்டுதல்களுக்கு கிருபையாய் பதில் கொடுப்பார் என்பதையும் இரண்டாவது வரி வெளிப்படுத்துகிறது. தேவன் கவனித்து, தன் அமைதியை சமாதானத்தைக் கொடுக்கிறார் என்ற உறுதியை மூன்றாவது வரி தருகிறது. ஷாலோம்! இந்த ஆசாரிய ஆசீர்வாதம் தொடர்ச்சியான ஒன்றாகும். இந்த ஆசீர்வாதம் தேவ ஜனங்கள் மீது சொல்லப்படும் போது, தேவ ஜனங்கள் தேவனுடைய பாதுகாப்பு மற்றும் ஆசீர்வாதத்தை உடையவர்கள் என்பதை நினைவுபடுத்துவதாக இது இருக்கிறது. இந்த ஆசீர்வாதமான வார்த்தைகள் முக்கியமான நேரங்களிலும், தேவ ஜனங்கள் கூடி வரும்போதும் அவர்கள் மீது சொல்லப்பட்டது. சில பெற்றோர் தங்கள் குழந்தைகளின் ஆசீர்வாதத்திற்காக இந்த ஆசீர்வாதத்தை அவர்கள் மீது சொல்கின்றனர். தேவன் நம்மை ஆசீர்வதிக்கும்போது, அவருடைய ஆசீர்வாதம் தேவ சமாதானத்தை நமக்குத் தருகிறது என்பது நாம் கவனிக்க வேண்டிய முக்கியமான ஒரு காரியம் ஆகும். 

பயன்பாடு: தேவன் தம் ஆசீர்வாதத்திற்கு என்னை அழைத்திருக்கிறார். அவருடைய நாமம் என் புகலிடமாகவும் என்னை பாதுகாக்கும் அரணாகவும் இருக்கிறது. என் வாழ்க்கையின் கடினமான தருணங்களின் ஊடாக நான் செல்லும் வேளைகளில், நான் இந்த மும்மடங்கு ஆசீர்வாதத்தை நினைவு கூர்ந்து, தேவ சமாதானத்திற்காக காத்திருக்க வேண்டும். நான் தேவ சமூகத்தில் வருகையில், கர்த்தர் தம்முடைய முகத்தை என்மேல் பிரசன்னமாக்கி, என் மேல் கிருபையாயிருக்கிறார். எல்லாவற்றையும் விட, அவர் என்னைப் பார்க்கிறார். என் சூழ்நிலையை, என் பிரச்சனைகளை, என் கவலைகளை அவர் காண்கிறார்.    என் ஜெபத்தைக் கேட்டு அவர் தன் சமாதானத்தை எனக்குத் தருகிறார்.  அவருடைய ஆசீர்வாதமானது தொடர்ந்து எப்பொழுதும் என்னுடன் இருக்கிற ஒன்றாகும். அவருடைய சமூகத்தில் அனுதினமும் வாழும் ஒரு ஆசீர்வாதமான நபராக நான் வாழ வேண்டும் என தேவன் விரும்புகிறார். 

ஜெபம்:  பிதாவாகிய தேவனே, உம் மும்மடங்கு ஆசீர்வாதத்திற்காக நன்றி. வாழ்வின் எல்லா நன்மைகளுக்கும் காரணராக/ஊற்றாக இருப்பதற்காக உமக்கு நன்றி. நான் உம் பிரசன்னத்தில் வருகையில், உம் ஆசீர்வாத வார்த்தைகளை வாசிக்கிறேன்/கேட்கிறேன். என் இதயத்தை நிரப்பும் உம் சமாதானத்திற்காக நன்றி. அனுதினமும் நான் உம்முடன், உம் ஆசீர்வாதத்தில் வாழ எனக்கு அருளும். ஆமென். 

- அற்புதராஜ் சாமுவேல்
+91 9538328573

A Triple Blessing

READ: Numbers 5, 6; Psalm 61; Mark 3:1-19

SCRIPTURE: Numbers 6: 22 The Lord said to Moses, 23 “Tell Aaron and his sons, ‘This is how you are to bless the Israelites. Say to them:
24 “‘“The Lord bless you and keep you;
25 the Lord make his face shine on you and be gracious to you;
26 the Lord turn his face toward you and give you peace.”’
27 “So they will put my name on the Israelites, and I will bless them.”

OBSERVATION: This above passage is a familiar one for us and we hear this triple blessing very often in our worships and our fellowships. This priestly blessing indicates a wide range of meanings and interpretations concerning God's blessing to all the Israelites. The repetition of  the word "the Lord" emphasizes that God is the source of all our blessings. The first line of the priestly blessing indicates God's blessing and protection to his people. The second line expresses the hope of a believer that God will see and be gracious to his/her prayers and supplications that are made in divine presence. The third line expresses the affirmation that  God will pay attention and will give his peace. Shalom! This priestly blessing is a continual one, and whenever these blessing uttered on God's people, it implies  and reminds that God's people are covered with God's protection and blessing. This blessed words are proclaimed over God's people on important occasions and in their gatherings. Some parents say this as a prayer for the blessing of their children. It is important to note that when God blesses us, he always gives us his peace. 

 APPLICATION: God has called me for his blessing. His name is my refuge as well as my protection. Whenever I go through tough times of my life, I need to remind this threefold blessing and should wait for God's peace. When I come in his presence, the Lord makes his face shine upon me and gracious to me. More than anything, he sees me, my situation, my problems, and my worries. He gives his peace as an answer to my prayer. His blessing are continual in nature. God wants me to be a blessed human who lives in his presence every day. 

PRAYER:  Father God, thank you for your triple blessing. Thank you for being the source of all the goodness of life. As I come in your presence, I read and hear your words of  blessing.  Thank you for your peace that fills my heart. Help me to experience you and your blessing everyday. Amen.  

- Arputharaj Samuel
 +91 9538328573

The Lord of the Sabbath!

 READ: Numbers 3, 4; Psalm 60; Mark 2:18-28

SCRIPTURE: Mark 2:23 One Sabbath Jesus was going through the grainfields, and as his disciples walked along, they began to pick some heads of grain. 24 The Pharisees said to him, “Look, why are they doing what is unlawful on the Sabbath?”...27 Then he said to them, “The Sabbath was made for man, not man for the Sabbath. 28 So the Son of Man is Lord even of the Sabbath.”

OBSERVATION: The Pharisees considered themselves as the guardians of the law of Moses. They emphasized on observing the law given to Moses. So, they followed strict traditions and urged every Jew to follow it. Those Jewish traditions made the law difficult to follow, because it demanded people to observe so many rules and regulations that burdened the people. Here, Pharisees questioned Jesus  about his disciples' behavior during a Sabbath. According to the Gospel, Pharisees repeatedly questioned Jesus, concerning the violation of the Sabbath. In those days, following the Law according to the tradition became more important  than following the very purpose of the law. In this case, Jesus was speaking about the law of Sabbath which was given through Moses so that the Israelites gain some rest in a day to restore their physical, spiritual, and mental strength. Jesus reminded the Pharisees that "The Sabbath was made for man, not man for the Sabbath." He informed them that he is Lord even of  the Sabbath. Jesus objected their interpretations of the law, and their customs and regulations to observe it. He reinforced the original purpose of the Sabbath. It is a day of rest and worship. 

 APPLICATION: I need to be watchful not to fall off in any of the pitfalls of commonly recognized customs and traditions. Sometimes, instead of helping us, customs and traditions may become burdens and may create a guilty feeling among the people. Further, it could lead us away from God. The purpose of the Sabbath was to emphasize the needed rest to refresh for a man, not to emphasize a particular day. The purpose of a man is to rest in the LORD. For, he is the Lord of the Sabbath!   

PRAYER:  Father God, thank you for your concern for my well being and spiritual freshness. While I wholeheartedly spend my time to make the end needs of my worldly life,  help me to relax myself and to take the needed rest for my spirit, soul and my body. As St. Augustine prayed, “You have made us for Yourself, O Lord, and our heart is restless until it rests in You.” Amen. 

- Arputharaj Samuel
 +91 9538328573

ஓய்வுநாளின் ஆண்டவர்

 வாசிக்க: எண்ணாகமம் 3, 4; சங்கீதம் 60;  மாற்கு 2:18-28

வேதவசனம்: மாற்கு 2: 23. பின்பு, அவர் (இயேசு) ஓய்வுநாளில் பயிர் வழியே போனார்; அவருடைய சீஷர்கள் கூட நடந்துபோகையில், கதிர்களைக் கொய்யத் தொடங்கினார்கள்.
24. பரிசேயர் அவரை நோக்கி: இதோ, ஓய்வுநாளில் செய்யத்தகாததை இவர்கள் ஏன் செய்கிறார்கள் என்றார்கள்...
27. பின்பு அவர்களை நோக்கி: மனுஷன் ஓய்வுநாளுக்காக உண்டாக்கப்படவில்லை, ஓய்வுநாள் மனுஷனுக்காக உண்டாக்கப்பட்டது;
28. ஆகையால் மனுஷகுமாரன் ஓய்வு நாளுக்கும் ஆண்டவராய் இருக்கிறார் என்றார்.

கவனித்தல்: மோசேயின் நியாயப்பிரமாணத்தின் பாதுகாவலர்கள் என தங்களைக் குறித்து பரிசேயர்கள் கருதினர். மோசே மூலமாகக் கொடுக்கப்பட்ட நியாயப்பிரமாணத்தை கைக்கொள்வது அவசியம் என அவர்கள் வலியுறுத்தினர். ஆகவே அவர்கள் கடுமையான பாரம்பரியங்களைப் பின்பற்றி, ஒவ்வொரு யூதனும் அதைப் பின்பற்ற வேண்டும் என போதித்து வந்தனர். அந்த யூதப் பாரம்பரியங்கள் நியாயப்பிரமாணத்தைக் கைக்கொள்வதை மிகக் கடினமானதாக்கின. ஏனெனில் அவை மக்களுக்கு சுமையாக தோன்றின சட்ட திட்டங்களையும் ஒழுங்குகளையும் கடைபிடிக்க வேண்டும் என கட்டாயப்படுத்தின. இங்கே, ஒரு ஓய்வு நாளில் இயேசுவின் சீடர்கள் செய்ததை வைத்து அவரிடம் பரிசேயர்கள் கேள்வி எழுப்பினர். நற்செய்தி நூலின்படி, ஓய்வு நாள் மீறுதல் குறித்து பரிசேயர்கள் இயேசுவிடம்  திரும்பத் திரும்பக் கேள்விகேட்பதைக் காணலாம். அந்நாட்களில், பாரம்பரியத்தின்படி நியாயப்பிரமாணத்தைப் பின்பற்றுவது என்பது மக்களுக்கு எந்த நோக்கத்திற்காக அது வழங்கப்பட்டதோ அதைக் காட்டிலும்  முக்கியமானதாக இருந்தது. இந்த இடத்தில்,  இஸ்ரவேலர்கள் ஒரு நாளில் இளைப்பாறி தங்கள் சரீர, ஆன்மீக மற்றும் மன வலிமையைப் பெற்றுக் கொள்வதற்காக மோசே மூலமாகக் கொடுக்கப்பட்ட  ஓய்வு நாளைப் பற்றிய பிரமாணத்தைப் பற்றி இயேசு பேசுகிறதை நாம் பார்க்கிறோம்.  “மனுஷன் ஓய்வுநாளுக்காக உண்டாக்கப்படவில்லை, ஓய்வுநாள் மனுஷனுக்காக உண்டாக்கப்பட்டது” என்று இயேசு பரிசேயர்களுக்கு நினைவுபடுத்தினார். ஓய்வு நாளுக்கும் தான் ஆண்டவராக இருப்பதை அவர்களுக்கு அறிவித்தார். அவர்களுடைய நியாயப்பிரமாணம் பற்றிய வியாக்கியானங்களையும்,  அதைப் பின்பற்றுவதற்கு அவர்கள் வகுத்திருந்த பழக்க வழக்கங்கள், ஒழுங்குகளையும் இயேசு எதிர்த்தார். ஓய்வு நாள் கொடுக்கப்பட்ட உண்மையான நோக்கத்தை இயேசு வலியுறுத்தினார். அது ஓய்வு எடுத்து இளைப்பாறவும், தேவனை ஆராதிப்பதற்குமான ஒரு நாள். 

பயன்பாடு:  பொதுவாக அங்கீகரிக்கப்பட்ட பழக்க வழக்கங்கள் மற்றும் பாரம்பரியங்கள் போன்ற கண்ணுக்குத் தெரியாத ஆபத்துகளில் விழுந்து விடாமல் இருக்கும்படி நான் கவனமாக இருக்க வேண்டும். சில நேரங்களில், பாரம்பரியமான பழக்க வழக்கங்கள் மற்றும் ஒழுங்குமுறைகள் நமக்கு உதவியாயிருப்பதற்குப் பதிலாக, நமக்கு சுமைகளாக மாறி, மக்களிடையே ஒரு குற்ற உணர்ச்சியை உண்டாக்கக் கூடும். மேலும், அது தேவனை விட்டு நம்மை விலக்கிவிடக் கூடும். ஒரு குறிப்பிட்ட நாளை வலியுறுத்தாமல், ஒரு மனிதனுக்கு புத்துணர்ச்சியை அளிக்கும் ஓய்வை வலியுறுத்துவதுதான் ஓய்வு நாளின் நோக்கம் ஆகும். ஒரு மனிதனின் நோக்கம் கர்த்தரில் இளைப்பாறுவதாக இருக்க வேண்டும். ஏனெனில், அவர் ஓய்வுநாளின் ஆண்டவராக இருக்கிறார். 

ஜெபம்:  பிதாவாகிய தேவனே, என் ஆரோக்கியம் மற்றும் ஆவிக்குரிய புத்துணர்ச்சி பற்றி நீர் கரிசனையுள்ளவராக இருப்பதற்காக நன்றி. என் உலக வாழ்க்கைக்குத் தேவையானவைகளைப் பெற்றுக் கொள்ள முழு மனதோடு நான் என் நேரத்தைச் செலவழிக்கையில், என்னை ஆசுவாசப்படுத்திக் கொள்ளவும், என் ஆவி, ஆத்துமா மற்றும் சரீரத்துக்குத் தேவையான இளைப்பாறுதலைப் பெறவும் எனக்கு உதவும். பரிசுத்த அகஸ்டின் ஜெபித்தது போல,  “ஆண்டவரே, எங்களை உமக்கென்று உண்டாக்கி இருக்கிறீர்.  உம்மில் இளைப்பாறுதலைக் கண்டடைகிறவரைக்கும் எங்கள் இருதயமானது இளைப்பாறுதல், அமைதி அடைவதில்லை.” ஆமென். 

- அற்புதராஜ் சாமுவேல்
+91 9538328573

எது எளிது?

வாசிக்க: எண்ணாகமம் 1, 2; சங்கீதம் 59;  மாற்கு 2:1-17

வேதவசனம்: மாற்கு 2: 6. அங்கே உட்கார்ந்திருந்த வேதபாரகரில் சிலர்:
7. இவன் இப்படி தேவதூஷணம் சொல்லுகிறதென்ன? தேவன் ஒருவரேயன்றி பாவங்களை மன்னிக்கத்தக்கவர் யார் என்று தங்கள் இருதயங்களில் சிந்தித்துக்கொண்டிருந்தார்கள்.
8. அவர்கள் தங்களுக்குள்ளே இப்படிச் சிந்திக்கிறார்களென்று இயேசு உடனே தம்முடைய ஆவியில் அறிந்து, அவர்களை நோக்கி: நீங்கள் உங்கள் இருதயங்களில் இப்படிச் சிந்திக்கிறதென்ன?
9. உன் பாவங்கள் உனக்கு மன்னிக்கப்பட்டதென்று சொல்வதோ, எழுந்து உன் படுக்கையை எடுத்துக்கொண்டு நடவென்று சொல்வதோ, எது எளிது?

கவனித்தல்: இயேசு திமிர்வாதக்காரனை (பக்கவாதத்தால் பாதிக்கப்பட்ட நபரை) குணமாக்கிய போது, தனக்கு முன்பாக அந்த வியாதிப்பட்ட மனிதனை மிகுந்த பிரயாசத்துடன் கொண்டு வந்த மனிதர்களின் விசுவாசத்தைக் கண்டார். அந்த மனிதர்களோ அல்லது திமிர்வாதத்தால் பாதிக்கப்பட்ட அந்த மனிதனோ இயேசு சுகப்படுத்தவேண்டும் என எதுவும் கேட்டதாக நற்செய்தி நூலில் இல்லை என்பது மிகவும் ஆச்சரியமளிக்கிறது. ஆயினும்,  “இயேசு அவர்கள் விசுவாசத்தைக்” கண்டார் என நாம் வாசிக்கிறோம். அவர்கள் விசுவாசத்தை மட்டுமல்ல, அங்கே இருந்த மனிதர்களின் சிந்தனைகளையும் அவர் அறிந்து கொண்டார். அந்த திமிர்வாதக்காரனின் பாவங்கள் மன்னிக்கப்பட்டது என்று சொன்னதன் மூலம் இயேசு தேவ தூஷணம் செய்து விட்டதாக வேதபாரகர்கள் நினைத்தனர்.  இயேசுவோ அந்த மனிதனின் நோய்க்கான மூல காரணம் என்ன என்பதை அறிந்து,  “மகனே, உன் பாவங்கள் உனக்கு மன்னிக்கப்பட்டது” என்று சொன்னார். எல்லா நோய்களுக்கும் காரணம் பாவங்கள் அல்ல. ஆயினும், இந்த திமிர்வாதக்காரனின் சம்பவத்தில் நாம் பார்ப்பது போல, பாவங்கள் வியாதிக்கு காரணமாக இருக்கக் கூடும். மனிதனின் நோய்க்கான மூல காரணத்தை புரிந்துகொள்கிற சிறந்த மருத்துவர் இயேசுகிறிஸ்து. அது சரீரப்பிரகாரமானதாக இருந்தாலும் சரி, ஆவிக்குரியப் பிரகாரமானதாக இருந்தாலும் சரி, ஒருவர் சுகமடைய (அ) குணமாகுதலுக்கு ஒரு நபருக்கு என்ன தேவையோ அதை இயேசு செய்கிறார். தன் கேள்வியின் மூலம், வேதபாரகர்களுக்கு இயேசு தன் தெய்வீகத்தைப் பற்றி சொன்னார். அதாவது, அற்புதம் செய்கிற ஒரு ஊழியரை விட மேலானவர் என்று சொல்லி தன் தெய்வீகத்தை அவர்களுக்குப் பறைசாற்றினார். 

பயன்பாடு:  இயேசுவின் தொடுதல் தேவைப்படுகிறவர்களுக்காக நான் எடுக்கும் முயற்சிகளை இயேசு காண்கிறார். என் சிந்தனைகளையும் கூட அவர் அறிந்திருக்கிறார். இயேசுவுக்கு முன்பாக மற்றவர்களைக் கொண்டுவருவதில் உள்ள தடைகளைப் பற்றி நான் யோசிக்கையில், அந்த திமிர்வாதக்காரனின் நண்பர்கள் என்ன செய்தார்கள் என்பதை நான் நினைத்துப் பார்க்க வேண்டும். அசாதரணமான ஒன்றை செய்து அவர்கள் திறப்பை உண்டாக்கினர், இயேசுவின் முன் அவனைக் கொண்டுவர வழி செய்தனர். ஒரு மனிதரின் சரீர குணமாகுதலைக் காட்டிலும், அவருடைய ஆன்மீக நலம் குறித்து இயேசு அதிக கரிசனை உள்ளவராக இருக்கிறார் என்பதை நான் அறிந்து கொள்ள  வேண்டும். நான் என்ன செய்ய வேண்டும் என இயேசு விரும்புகிறாரோ அதை நான் செய்ய வேண்டும். அது மற்ற எதையும் விட செய்வதற்கு எளிதானதாக இருக்கும். என் மூலமாக தேவன் மகிமைப்படுவார். 

ஜெபம்:   இயேசுவே, உம் வல்லமையையும், உம் சித்தத்தையும் அறிந்து கொள்ள எனக்கு உதவுவதற்காக உமக்கு நன்றி. நீர் குணமாக்கவும், பாவங்களை மன்னிக்கவும் வல்லமை உடையவராக இருக்கிறீர்.  உம் முன்பாக வரவும், மற்றவர்களை உம்முன் கொண்டு வரவும் எனக்கு தடையாக இருக்கக் கூடிய எந்த மனத்தடைகள் மீதும் வெற்றி பெற எனக்கு உதவும். உமக்கு அது மிகவும் இலேசான காரியம்! ஆமென்.  

- அற்புதராஜ் சாமுவேல்
+91 9538328573